СОКЪУРЛА

Печать

Кырдыкмыды кърмыды, -
Кёрмейдиле сокъурла,
Тийреде ханс бармыды, -
Билмейдиле сокъурла.
Орамда келедиле,
Таякълары - таркъ-таркъ-таркъ.
Эрттеден биледиле:
Алагъа кенг джол да - тар.
Терекле кёкмюдюле,
Акъмыдыла - жокъ хапар,
Кёгетле кёпмюдюле,
Азмыдыла - жокъ хапар.
Сокъурла келедиле,
Кёрмей ташны арбазны.
Алай тюз биледиле
Шатыклыгъын харбызны.
Сакъ келип, жетедиле
Терекле арасына,
Салкъынын биледиле
Жёге ауанасыны.
Сокъурла тергейдиле:
Кыймат джокъ ашыкъгъандан.
"Онглу жокъду - дейдиле, -
Дунияда жашагъандан".
Бош кетип къалмагъанды
Бар сокъурланы кюню:
Кёп сау эталмагъанды
Сокъур Гомер этгенни.
Сокъурла келедиле
Таякълары - таркъ-таркъ-таркъ.
Сокъурла биледиле
Жаурларын жауун, къар.
Ала кёл етедиле,
"Жашау, ёлюм да - хакъ", - деп,
Сокъурла биледиле:
Жарсыу саулагъа да кёп.